Confoederatio Benedictina Ordinis Sancti Benedicti
| Confoederatio Benedictina ortum habuit ab illis Congregationibus monasticis quæ, salva uniuscuiusque autonomia, unionem inierunt a Leone XIII Summo Pontifice per Breve « Summum semper » sancitam et ab eius successoribus semel iterumque probatam. Hæc unio Pii XII Summi Pontificis iussu accuratius ordinata est in Lege propria, quæ post Concilium Vaticanum II recognita est. |  | ATLAS QUID NOVI? STRUCTURA & IUS CURIA |
Sant'Anselmo
 | Collegium Santi Anselmi de Urbe, ad Sanctum Callistum a Congregatione Casinensi fundatum, ex Leonis XIII Summi Pontificis munificentia novam in Aventino colle sedem obtinuit. Idem Pontifex, erecta Confoederatione, voluit ut ColÂlegium non alicui ex Congregationibus pertineret, sed in omnium profectum æque inserviret. Congressus vero Abbatum anno 1967 statuit distinctionem claram in domo Sancti Anselmi faciendam esse inter Athenæum, Collegium proprie dictum et Curiam Abbatis Primatis, necnon inter Athenæi rectionem academicam et Collegii vitam atque disciplinam. |
• confoederatio@osb-international.info •
C.F. 80202010585
